由知名导演 王晶 打造嘅

TVB新剧 《一舞倾城》

将喺下个月就要开播啦

(资料图片仅供参考)

该剧由 陈法蓉、姚子羚、

蔡洁、庄锶敏 等人主演

以90年代尖东夜总会为背景

讲述一班好姊妹各自嘅爱情故事

剧情与 高分《华灯初上》 相似

新剧未上线

就 因为演员引来一波关注

剧中主要演员之一嘅 庄锶敏

一路以性感角色出圈

今次更演埋“妈妈桑”

大曝 床戏多、尺度好大

播唔播的出噶？ 此处冇办法配图

据闻， 庄锶敏 仲会

同剧中女主角 陈法蓉

演“死对头”啵~

话说，大美人 陈法蓉

近年多数都喺内地拍剧

足足6年时间 冇拍过TVB剧啦

今次惊喜出演女主

听闻仲同 唐文龙 有亲密戏噢~

讲翻 “拿督之女”庄锶敏

前排被人影到同 汪小菲

有讲有笑咁共进晚餐

八卦网友又谂起返起

庄锶敏

“一匹布”咁长嘅感情史

▓▓▓▓▓▓▓▓▓▓▓░░░░努力加载中……

2006年

庄锶敏 与 吴浩康

疑似坠入爱河

当时吴浩康号称係

“靓仔版”陈奕迅咯~

不过当时嘅 吴浩康

同 胡定欣 仲係拖友关系

二人已经相恋三年

庄锶敏 与 吴浩康 件事

传到沸沸扬扬

吴浩康就即时宣布

与胡定欣分手

仲话要以事业为重

同庄锶敏只係friend

不过转过头就 “啪啪打脸”

冇几耐被人影到二人 出双入对

吴浩康的 “无缝连接”

引致 ex胡定欣 强烈不满

之后仲爆发

前任、现任之间嘅 “电梯骂战”

庄锶敏自曝 被对方闹“着旧鞋”

胡定欣否认 回闹对方“博见报”

一来一去

两人因为 “劈腿渣男”

搞到老死不相往来

吴、庄恋情维持咗五年

最终都以 “性格不合” 而 分开

之后 庄锶敏 又同

廖碧儿的旧爱林忠豪、

导演叶念琛传过绯闻

最后都以 “朋友关系”

不了了之

话术係唔係有少少熟悉呢

直到2019年

庄锶敏突然公布恋情

与 台湾“奶茶王子”杨秉逸

拍拖半年就拉埋天窗

二人喺价值1亿嘅山顶大宅

举行咗简单签字仪式

男方为佢戴上

“细到睇唔到钻” 嘅戒指

双方父母都冇到现场

甚至要通过视频嚟沟通

结婚仪式虽然简单

但睇得出当时嘅庄锶敏

十分幸福

可惜好景不长

婚后两人矛盾逐渐增多

庄锶敏接受采访时透露

老公脾气比较暴躁

后来二人又因为疫情相隔两地

庄锶敏多次忍受“14日隔离”

飞去台湾搵老公

最终都 係以 离婚收场

而且庄锶敏话

“自己係被人通知离婚果个喔”

而今次传出绯闻嘅 汪小菲

前排就因为电费、床垫问题

同 前妻大S 吵到上热搜

对于同汪小菲嘅二人“约会”

庄锶敏 采访中回应

“只係工作上请教对方，

暂时未有其他谂法”

两人都啱啱结束一段婚姻

感情生活上都有相同经历

係唔係因此更啱key呢？

anyway~

恋情嘅事唔认就算啦

（始终 係 私事啊嘛）

庄锶敏最近都在 认真搞事业

例如佢在近日热播嘅 《法言人》 中

饰演一名证婚律师

佢都有发推文帮自己宣传噶

希望佢放低感情事

演多啲好戏俾大家睇啦！

MORE

今日娱乐看点

王鹤棣要“考清华”

今晚 19:30 ，

《战火中的青春》首播

王鹤棣饰演嘅 程嘉树

大眼仔造型又嚟圈粉了

据闻佢在剧中会考清华大学

关之琳、吕良伟派对合影

甄子丹帮老婆汪诗诗

举办庆生派对

吕良伟妻子随即晒出大合照

只见60岁的关之琳

同67岁的吕良伟Ray

好似食咗“防腐剂”咁

容颜冻龄、状态超好～

于正赞赵丽颖演技

最近有网友问于正

赵丽颖今年能不能拿“白玉兰”奖

于正回复话：“她无论得不得奖，

在我心里，同年龄段的女演员里，

演技就是第一名，毋庸置疑。”

资料来源：微博

网络信息综合整理

编辑：饶禧

审核：曾敏妍

签发：骆苹

扫描下方二维码订阅 【微店】可乐生活小店 【淘宝】羊晚生活馆 【邮政】中国邮政微邮局 ▼

>>>

一次过get可乐 报详细内容

羊城晚报报业集团旗下优秀生活类媒体可乐生活Color ，度身打造专属广州人的吃喝玩乐指南，潮流风向标资讯。

官方微信号：靓仔可乐君（handsomecolor）

标签：